ກອງພັນ 585 ທະຫານແຂວງຫົວພັນ ຈັດຕັ້ງກຳລັງຊ່ວຍເຫຼືອປະຊາຊົນ
ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ
ໃນລະຫວ່າງວັນທີ 2-4 ສິງຫາ 2023, ຢູ່ເມືອງຮ້ຽມ ແຂວງຫົວພັນ ໄດ້ເກີດມີຝົນຕົກໜັກ ເຮັດໃຫ້ມີນ້ຳປ່າໄຫຼຊຸ, ຫ້ວຍນ້ຳຫຼາຍສາຍໄດ້ໄຫຼນອງ
ສົ່ງຜົນເຮັດໃຫ້ສາຍນ້ຳຄານ ເພີ່ມລະດັບນ້ຳຂຶ້ນຢ່າງໄວວາ ເຊິ່ງໄດ້ສົ່ງຜົນກະທົບຕໍ່ຖະໜົນຫົນທາງ, ເສົາໄຟຟ້າ, ນໍ້າຖ້ວມເຮືອນຊານບ້ານຊ່ອງ, ໄຮ່ນາຮົ້ວ
ສວນ ແລະ ໜອງປາຂອງປະຊາຊົນ ໂດຍສະເພາະເຂດບ້ານສຳພັນທອງ ມີເຮືອນປະຊາຊົນໄດ້ຮັບຜົນກະທົບ ເສຍຫາຍ ຈຳນວນ 5 ຫຼັງຄາ, ມີ 4 ຄອບຄົວ,
ມີຈຳນວນ 21 ຄົນ, ຍິງ 10 ຄົນ ທີ່ຖືກຜົນກະທົບຈາກໄພພິບັດທາງທຳມະຊາດໃນຄັ້ງນີ້ ແລະ ຖືກນ້ຳພັດໄຫຼ ຈຳນວນ 2 ຫຼັງຄາ, ເລົ້າເຂົ້າ 1 ຫຼັງ. ນອກນີ້,
ລະບົບຕາຂ່າຍໄຟຟ້າໄດ້ຮັບຜົນກະທົບ ເສົາໄຟຟ້າ ຫັກ-ລົ້ມ ຈຳນວນ 4 ຈຸດຄື: ຈຸດບ້ານພູວຽງ, ສົ້ນຂົວນໍ້າຄານ, ບ້ານສາກົກ ແລະ ບ້ານຫາດສາ, ລະບົບ
ຊົນລະປະທານເປ່ເພເສຍຫາຍຢ່າງໜັກໜ່ວງ. ສ່ວນບ້ານອື່ນໆທີ່ຕັ້ງຢູ່ແລບຕາມສາຍນ້ຳຄານ ກໍໄດ້ຮັບຜົນກະທົບເຊັ່ນດຽວກັນ. ຕໍ່ສະພາບການດັ່ງກ່າວ, ຄະ
ນະພັກ-ຄະບັນຊາກອງພັນ 585 ໄດ້ຈັດຕັ້ງກຳລັງຊ່ວຍເຫຼືອປະຊາຊົນເພື່ອເຄື່ອນຍ້າຍຊັບສີນ, ສັດລ້ຽງຂອງປະຊາຊົນໄປໄວ້ເຂດປອດໄພ ແລະ ສ້າງເປັນຄູ
ກັນເຈືອນ-ກັນນ້ຳ ຊ່ວຍປະຊາຊົນ.
ວັນທີ 09/08/2023